O Museo de Verín homenaxea o tradicional “xastré” nunha nova Peza do Mes para este Entroido tan especial
Sábado, 13 Febreiro 2021 12:30
O Museo Claustro Mercedario de Verín presentaba hoxe a través das redes sociais a súa nova Peza do Mes, “A botella de xastré”, unha bebida que sen dúbida goza de gran popularidade na comarca de Verín. A botella de xastré ou xastreu é toda unha “musa do entroido” e é o acompañante perfecto para unha boa bica. Produtos que, pese a todo, seguro que non faltan estes días nas casas da comarca. É por iso que o museo decidiu destacar a súa historia e aportar un dato pouco coñecido ata o de agora, a súa etimoloxía, resultado dun estudo realizado por Luis Congil, comisario da exposición.
O Concello aproba o vindeiro 18 de febreiro o novo Instrumento de Ordenación Provisional Urbanística
Venres, 12 Febreiro 2021 18:43
O Concello de Verín vén de dar luz verde na comisión de urbanismo ao novo Instrumento de Ordenación Provisional Urbanística ( IOP), cuxa finalidade é dotar de seguridade xurídica urbanística a toda aquelas persoas que queiran desenvolver proxectos en Verín, fortalecendo o desenvolvemento económico e social da vila nos próximos anos.
Comeza a vacinación das traballadoras do servizo de Axuda no Fogar do Concello de Verín
Venres, 12 Febreiro 2021 13:21
As traballadoras do Servizo de Axuda no Fogar do Concello de Verín comezan hoxe a recibir a vacina contra a Covid-19 no Hospital comarcal do Verín. Este servizo municipal conta a día de hoxe cun total de 46 traballadoras, que atenden a un total de 104 persoas.