AVISO IMPORTANTE: Tramitación durante o mes de decembro da baixa dos servizos da Piscina Climatizada de Verín
Xoves, 10 Decembro 2020 14:44
Desde o Concello de Verín informamos aos socios e socias da Piscina Climatizada de que no caso de querer darse de baixa dos servizos destas instalacións deportivas poden facelo presencialmente na propia piscina ou a través do teléfono 988414184.
O Concello de Verín reactiva a súa axenda cultural a partir do 26 decembro
Venres, 04 Decembro 2020 14:06
O Concello de Verín reactiva a súa programación cultural a partir do sábado 26 de decembro. Así pois, a vila do Támega arrinca a súa axenda con cinco interesantes propostas -catro representacións teatrais e un concerto- pensadas para o desfrute de todos os públicos. Hai que recordar que se suspenderan todas as actividades públicas programadas a raíz do aumento da incidencia da Covid-19 en Verín, situación que se estabilizou nas últimas semanas.
O Museo de Verín pon en marcha unha investigación colectiva para construír un fío narrativo que preserve a esencia social da matanza tradicional
Mércores, 02 Decembro 2020 13:56
O Museo de Verín impulsa a actividade “A Matanza”, un proxecto de investigación etnográfica colectiva que procura recoller, a través da participación da veciñanza, toda a información posible para construír un fío narrativo que preserve a esencia social dun evento que conforma parte da identidade herdada da nosa comarca. Tras a recollida dos datos, elaboráranse diferentes accións divulgativas para dar a coñecer os contidos obtidos.
