O FIC Vía XIV de Verín reforza o seu vínculo co Entroido programando unha actividade paralela protagonizada por Frei Chitín
Luns, 24 Agosto 2020 15:47
Miguel Ángel Prieto Sotelo tense convertido, por méritos propios, nunha das personaxes máis singulares do Entroido de Verín. Por este motivo, foi o encargado de pronunciar o pregón da gran festa da vila do Támega, no Domingo de Corredoira 2020. Para reforzar o seu vínculo co Entroido, que é un dos eixos temáticos do FIC Vía XIV, a organización do certame vai programar unha actividade paralela protagonizada pola desternillante persoaxe creada por Prieto Sotelo: Frei Chitín.
A firma Nicandra, con sede en Verín, doa a organización do FIC Vía XIV un total de 130 máscaras
Venres, 21 Agosto 2020 12:21
Nicandra, unha firma de moda especializada no sector nupcial con sede en Verín, vén de doar á organización do FIC Vía XIV un total de 130 máscaras faciais para que poidan ser utilizadas polos asistentes ás diferentes actividades e proxeccións que albergue o certame. O director do Festival, Carlos Montero, agradeceu o xesto da que “hoxe por hoxe é un das empresas emblemáticas e máis dinámicas de Verín, cunha clara vocación solidaria amosada durante o confinamento”.
O actor Luis Zahera será homenaxeado na vindeira edición do FIC Vía XIV de Verín
Mércores, 19 Agosto 2020 13:00
O prolífico actor galego Luis Zahera, con ampla experiencia en cinema, televisión e teatro e gañador dun Premio Goya ao Mellor Actor de Reparto en 2018 por El Reino, desprazarase ata Verín o vindeiro 11 de setembro para ser homenaxeado pola organización do FIC Vía XIV. Deste xeito, Zahera recolle a testemuña de Mabel Rivera, a actriz que foi recoñecida na anterior edición do certame.
A Ludoteca-Campamento Urbano 2020 continúa a súa actividade cargada de actividades e baixo estritas medidas de seguridade
Mércores, 19 Agosto 2020 11:37
Os nenos e nenas da ludoteca de Verín continúan gozando dunha completa axenda de actividades variadas, sempre cumprindo con todas as medidas de seguridade estipuladas para previr a propagación do virus da COVID-19 (xeles hidroalcohólicos, uso da máscara, a disposición de alfombras desinfectantes e a comprobación da temperatura tanto á entrada como á saída).
O Concello colabora na campaña de concienciación e formación sobre a reciclaxe implementada polo CDR Portas Abertas
Martes, 18 Agosto 2020 10:58
No marco do programa de «Voluntariado Ambiental», o CDR Portas Abertas desenvolve esta iniciativa de concienciación e formación sobre a reciclaxe, en colaboración co Concello de Verín. Esta actividade consta duns paneis informativos, que se distribuirán polos puntos de recollida de lixo e tamén polas redes sociais. Neles informarase os cidadáns sobre que elementos se poden reciclar, e cal colector sería o indicado.