Verín aproba un primeiro paquete de medidas fiscais para facer fronte a crisis provocada pola Covid- 19
Mércores, 27 Maio 2020 13:03
A corporación municipal de Verín reuniuse hoxe na Casa da Cultura de Verín para celebrar a súa segunda sesión plenaria adaptada ás novas medidas de prevención de contaxios pola Covid-19. No pleno aprobouse por unanimidade un primeiro paquete de medidas fiscais, en forma de supresión de pago de taxas, destinado a paliar os efectos económicos da pandemia sobre empresas e autónomos.
Grumir e Protección Civil de Verín visitaron a máis de medio centenar de nenos e nenas para felicitarlle o cumpreanos
Xoves, 21 Maio 2020 11:51
Desde que se decretou o estado de alarma provocado pola COVID-19, os operarios do Grupo Municipal de Intervención Rápida (Grumir) e os voluntarios da Agrupación de Protección Civil do Concello de Verín visitaron a máis de medio centenar de nenos e nenas para felicitalos polos seus cumpreanos.
Verín acollerá en xuño a estrea universal en autocine do filme “María Solinha” de Ignacio Vilar
Venres, 15 Maio 2020 00:00
O Concello de Verín ven de pechar un acordo con Vía Láctea Filmes para acoller a primeira exhibición en autocine da estrea da película “María Solinha”, de Ignacio Vilar, aproveitando a rede de parkings públicos que cambiaron a mobilidade urbana na vila do Támega nos últimos anos. A estrea universal en autocine do filme será o próximo 21 de xuño, nunha gala coa presenza dos artistas e director, no parking libre central de Verín.