Concello de Verín

A Biblioteca Municipal do Concello de Verín conta xa entre os seus fondos -no espazo dedicado á cultura local- coa obra de Eloy Luis André, ilustre doutor en Psicoloxía e Filosofía, doadas recentemente polos seus netos. En concreto, son preto de duascentas obras (en varias edicións), revistas e xornais da época nos que as publicou. Ademais, no depósito figuran até medio centenar de carpetas que conteñen distintos escritos e materiais, como recortes de xornais, mapas e outros.

Intensa mañá económica no Concello de  Verín. Tras comezar a sesión gardando un minuto de silencio en recordo a todos os falecidos durante a pandemia da covid-19, o pleno municipal aprobou o orzamento para 2020 por importe de case 14 millóns de euros, cunhas inversións directas de 3.420.713,14 euros, o que triplica a cifra do ano anterior. Ademais, ao termo do pleno, o grupo de goberno deu conta do “Plan de Acción de Estímulos Económicos para Verín 2020-2021” que contempla o desembarco de 21 millóns de euros en inversións para a vila, “unha importante  inxección no tecido produtivo de Verín para superar a crise do coronavirus”, e que prevé crear 150 empregos directos.

Velaquí están as coplas elaboradas este ano, con fins solidarios, polos dez colectivos participantes . Esperamos que vos gusten.