Última semana para que os cativos e cativas de Verín presenten o seu relato ao concurso “A man culpable”
Martes, 08 Outubro 2019 11:50
O Concello de Verín promove, dende o Museo Claustro Mercedario de Verín, un concurso de redacción que pretende concienciar aos mozos e mozas da vila do efecto que provoca a acción humana no noso entorno. O concurso, titulado “A man culpable” leva vixente dende o pasado 18 de maio e a data límite para a presentación dos traballos será o vindeiro 15 de outubro. A iniciativa nace a prol da celebración do Día Mundial dos Museos e está inspirada en dúas exposicións da Xunta que pasaron polo Museo de Verín: “Aves de Galicia”, retirada a principios de verán, e “Bolboreta monarca” que aínda se pode visitar estes días.
“Toy Story 4” e “O que arde” no cinema municipal de Verín
Martes, 08 Outubro 2019 10:56
Durante os días 11, 12 e 13 de outubro, o cinema municipal de Verín acolle as proxeccións das películas “Toy Story 4” e “O que arde” no Salón de Actos da Casa da Cultura nos seguintes pases:
A actriz Mabel Rivera será homenaxeada no Festival Internacional de Curtas de Verín
Luns, 07 Outubro 2019 11:54
A actriz de orixe ferrolá Mabel Rivera toma o relevo de Antonio Durán “Morris” e será homenaxeada na vindeira edición do FIC Vía XIV de Verín. En torno á figura desta destacada actriz articularase –segundo sinala Carlos Montero, o director do certame- “unha actividade na axenda paralela do festival que incluirá unha charla coa actriz e a proxección dunha selección de curtametraxes nas que ten participado ao longo da súa fecunda carreira”.
As Escolas Deportivas de Ximnasia Rítmica de Verín inaugúranse con máis de 130 menores inscritos
Xoves, 03 Outubro 2019 13:27
Hoxe, 3 de outubro, as Escolas Deportivas de Ximnasia Rítmica de Verín comezan a súa tempada 2019-2020 con máis de 130 menores inscritos. Este proxecto, organizado polo Club Deportivo Ximnasia Rítmica de Verín e o Concello de Verín, nace da demanda de moitos pais e nais que reclamaban a posibilidade de que os seus cativos e cativas puideran gozar desta actividade na vila verinesa.
A Xunta exhibirá o Dionisos e Ampelos de Verín no Monte Gaiás
Mércores, 02 Outubro 2019 11:54
“Galicia, un relato no mundo” é unha macroexposición que albergará o Museo do Centro Gaiás, na Cidade da Cultura en Santiago de Compostela. Ven de obter a autorización do Concello de Verín para trasladar ás súas instalacións o conxunto escultórico de Dionisos e Ampelos que exhibe o Museo do Claustro Mercedario de Verín. A peza servirá para contextualizar a relación do mundo galaico coa cultura romana nas primeiras etapas da nosa era.
