Desde o día 1 até o 29 de outubro, a Casa da Cultura de Verín acollerá o programa Filmes de nós, no que se exhibirán cinco películas, realizadas ou inspiradas en Galicia.
O lapis do carpinteiro, Sempre Xonxa, Sei quen es, Martes de Carnaval e Arde amor son os filmes deste ciclo cinematográfico que organiza o Concello de Verín coa colaboración do Centro Galego das Artes da Imaxe (CGAI), a institución responsable dos ámbitos audiovisuais e fotográficos en Galicia.
As proxeccións realizaranse todos os mércores ás 20 horas con entrada libre
Curso de Fundamentos Musicais 2008-2009
Venres, 26 Setembro 2008 10:56
O Conservatorio Elemental de Música de Verín promove o Curso de Fundamentos Musicais para nenos que teñan 7 anos na actualidade ou que os cumpran antes de que remate o ano.
Inicio da campaña de fomento da lingua galega no ámbito familiar
Martes, 23 Setembro 2008 11:52
Hoxe da comezo en Verín a campaña de fomento da lingua galega e da lectura no ámbito familiar, organizada pola Secretaría Xeral de Política Lingüística e a Editorial Galaxia, a través da obra teatro Flis-fli-ris-flás, da compañía Matapiollos.
Unha feira e un torneo medieval presentes na terceira edición de “Irmandiños: A Revolta”
Venres, 19 Setembro 2008 12:54
A realización dun mercado de artesanía e gastronomía e un torneo medieval con cabalos conforman as principais novidades da terceira edición de “Irmandiños: A Revolta”, o xogo de rol en vivo máis grande do mundo, e que terá lugar entre os días 26 e 28 de setembro no Castelo de Monterrei.
O Concello de Verín en colaboración con Cruz Vermella e a Dirección Xeral de Xuventude e Solidariedade da Xunta de Galicia organiza un curso gratuíto de primeros auxilios.
XV Escola de Verao das áreas artísticas da Comarca de Monterrei
Xoves, 18 Setembro 2008 13:41
Entre os días 22 e 27 de setembro a Escola Municipal de Artes e Oficios de Verín acollerá a celebración da “XV Escola de Verao de Áreas Artísticas - Comarca de Monterrei”. Devandita actividade conta con 100 prazas e está destinada a docentes de niveis non universitarios da Comunidade Autónoma Galega, que deberán abonar unha matrícula de 30 euros.
