Onte, ás 20:00 horas, a Sala de Exposicións de Verín acolleu a inauguración da mostra “Momentos sen tempo”, exposición escultórica do artista Antonio Souto. A exposición estará aberta do 7 ata o día 28 de marzo.
O acto inaugural acudiu Diego Lourenzo Moura, tenente de alcalde do Concello de Verín e o propio artista, Antonio Souto. A presentación tamén acudiron alumnos do C.P.R Apostólico Mercedario, de primeiro e segundo curso de Educación Secundaria Obligatoria e varios artistas locais. Esta exposición componse de pezas que teñen en común o estar realizadas a partir dunha envoltura e o seu oco, unha casca. Pel e baleiro, materia e espírito mesturados no espazo. Sobre elas vaise depositando a vida en forma de gretas, fragmentos, movemento e tempo, chegando, en ocasións, a adoptar aparencia humana. As obras son un momento neste proceso. Son obxectos nados do movemento en constante dialogo co que permanece quieto.
«Antonio ten esa capacidade de ver, estruturar e definir o espazo e as formas. Desde un elemento tan primario e arquitectónico como é o tubo de ferro, coas súas mans e desde a súa cabeza contrólao, domínao, ábreo, dóbrao e prégao, mantendo e mostrando a súa esencia tubular para chegar desde esa sensibilidade que unicamente posúen uns cantos para transmitirlle a emoción ao observador da súa obra, desde como dicimos, ese anaco de ferro que finalmente enferruxa.
Nestas pezas apreciamos esa reflexión sobre este concepto tan abstracto pero á vez tan necesario na escultura e na arquitectura como é o do espazo.»
Alberto de Paula . Presidente do Colexio de Arquitectos de Ourense. COAG OURENSE .
Antonio Souto
Arquitecto por formación académica, chega a escultura atraído polos misterios do espazo e a necesidade de tocar a materia coas mans.
Entre as súas últimas exposicións individuais encóntranse as realizadas en ABANCA, Santiago de Compostela; na Galería Arcana en Vilagarcía de Arousa; no Museo Municipal de Ourense e no Centro cultural Marcos Valcarcel da mesma cidade. Tamén encontramos unha das súas obras nos xardíns da Casa Museo Valle Inclán en Vilanova de Arousa (Pontevedra).
Souto ten sido galardoado en multitude de premios, tales como: Premio Especial materiais tubulares no V concurso de Escultura metálica ESCULMETAL 08. Madrid; Premio “Manzana de Plata” na II Bienal internacional Rincón de Ademuz. Valencia; 1º premio no I certame de escultura da Guarda; 1º premio no VI certame de arte Galería Burela e o 1º premio no VI certame Ilmo. Concello de Cangas do Morrazo.
Sala de Exposicións de Verín. Horarios: luns a venres, 17:30 h a 21:00 h; sábados, 10:00 h a 14:00 h e 17:00 h a 20:30 h.
|