Concello de Verín

O Concello de Verín, a través da Oficina Municipal de Información Xuvenil, abre o prazo de inscrición para "Ludonadal", a ludoteca de Nadal dirixida a nenos e nenas de 3 a 12 anos. Esta iniciativa, enmarcada na Área de Benestar Social, busca facilitar a conciliación familiar durante as vacacións de Nadal, proporcionando ás familias un servizo de lecer educativo e divertido mentres traballan, realizan compras ou outras xestións.

Datas e horarios

O "Ludonadal" desenvolverase no Pavillón de Deportes de Verín entre o 23 de decembro e o 7 de xaneiro. O horario será de luns a venres, de 9:00 a 14:00 e de 16:00 a 20:00 horas, e os sábados, de 9:00 a 14:00 horas.

Prezos
O custo total do servizo é de 90 euros por todos os días e horarios. Para quen prefira horarios parciais, a tarifa será de 60 euros para mañás ou tardes. Tamén existe a opción de pagar por día: 15 euros (día completo) ou 8 euros (medio día).

Actividades destacadas
Ao longo das sesións, os nenos e nenas poderán participar nunha ampla variedade de actividades deseñadas para fomentar a creatividade e o espírito festivo:

• Inchables e obradoiros diversos.
• Xogos de busca como "A procura do agasallo".
• Contacontos de Nadal na Biblioteca Municipal.
• Festividades especiais: Día dos Santos Inocentes e Festa de Prenoitevella.
• Canto de panxoliñas no Centro de Día Solleira.
• Visita do Ratiño Pérez.
• Scape Room con temática de Nadal.
• Sesión de cine con palomitas.
• Creación e decoración de cartas para os Reis Magos.
• Entre outras…

Inscrición e información
As persoas interesadas poden formalizar a inscrición ou obter máis información na Oficina Municipal de Información Xuvenil, situada na Casa da Xuventude de Verín, ou chamando ao teléfono 988 414 776.