Concello de Verín

O tenente de alcalde e  concelleiro de  Mocidade de Verín, Diego Lourenzo Moura; acompañado pola  concelleira de Cultura, Emilia  Somoza, e dos responsables da Biblioteca Municipal, Vicente Rodríguez Xusto e Aurora Prieto Tarrío , recolleron hoxe o premio á Mellor Biblioteca de España -na súa categoría- da  XVIII edición da Campaña de Animación á Lectura María  Moliner na Biblioteca Nacional de España. Devandito galardón foi entregado polo ministro de Educación, Cultura e Deportes, Íñigo Méndez de Vigo, o secretario xeral da Federación Española de Municipios e Provincias (FEMP), Juan Ávila Francés, e o director da Fundación Coca-Cola, Juan José  Litrán. 

Esta maña,  a concelleira responsable da área de Tráfico, Seguridade Cidadá e Protección Civil, Cándida Couñago, presentou na casa consistorial o Plan de Autoprotección para o Entroido 2018.

O fútbol  base de Verín vive un momento histórico. Con tres equipos das Escolas Deportivas de Verín -de titularidade municipal- incluídas na Liga Galega, o club de referencia en Galicia, o Real Club Celta de Vigo, ten posta a súa mirada nas promesas da vila do Támega. Esta mañá o Celta asinou en Verín o convenio para que estas promesas poidan desfrutar de excepcionais vantaxes formativas e competitivas, como intercambiarse coas plantillas do Celta, asistir a formación e adestramentos e presenciar os partidos na Grada 0 de Balaídos.

Esta mañá, tivo lugar na casa consistorial a reunión de coordinación de seguridade do Entroido 2018, convocada por área de Seguridade Cidadá do Concello de Verín.

O xoves 25 de xaneiro, ás 19:30 horas, o Salón de Actos da Casa da Cultura de Verín acollerá a conferencia “Cristianismo Primitivo e os Manuscritos do Mar Morto”, a cargo do catedrático de Filoloxía Grega, Antonio Pérez Sáenz. O evento, organizado pola Biblioteca Municipal do Concello de Verín, será moderado polo doutor Manuel Mandianes, antropólogo e teólogo.