Concello de Verín

Onte pola tarde, a casa consistorial verinesa acolleu a primeira reunión do recentemente creado Consello de Pedáneos. Este será o lugar de referencia para trasladar os problemas e necesidades, no que as decisións e propostas sexan vinculantes para o Equipo de Goberno. O tema principal da primeira reunión foi o Bando emitido polo concello referente a limpeza obrigatoria de biomasa nos núcleos rurais. Á reunión, ademais dos pedáneos, acudiron o alcalde de Verín, Gerardo Seoane, e o tenente de alcalde, Diego Lourenzo.

GERARDO SEOANE FIDALGO, ALCALDE PRESIDENTE DO ILMO. CONCELLO DE VERÍN (OURENSE); FAGO SABER:

De acordo co disposto no artigo 22 da Lei 3/2007 de 9 de abril, de Prevención e Defensa contra os Incendios Forestais de Galicia, o CONCELLO DE VERÍN lembra aos titulares das parcelas situadas a menos de 50 METROS dos lindes dos núcleos rurais deste municipio que deben MANTELAS LIMPAS DE BIOMASA, para contribuir a unha adecuada protección contra o lume forestal.

O vindeiro 9 de xullo, dende a Praza García Barbón, arrinca as 9:00 horas a VIII volta cicloturista “O Val do Támega”, homenaxeando nesta ocasión a Gonzalo Rabuñal. O proxecto está organizado polo Club Ciclista de Verín en colaboración co Concello de Verín.

Os operarios do Concello de Verín xa están a piques de rematar a instalación de un dos lados do bulevar que recorrerá a Avenida de Castela. A nova beirarrúa xa case chega ao seu punto cume, o tramo da Cruz Vermella. Esta actuación está incluída na primeira fase do proxecto de remodelación do acceso da Avenida de Castela a Verín.

O domingo 2 de xullo, ás 20:00 horas, a Praza da Mercé de Verín acolle o primeiro concerto, dentro do ciclo Cultura no Camiño, a cargo de Odaiko Percussion Group. Devandito evento é completamente de balde e está organizado pola Axencia Galega das Industrias Culturais (AGADIC), en colaboración co Concello de Verín.