Concello de Verín

Na xornada de mañá sábado, na praza García Barbón de Verín, instalarase unha unidade móbil na que se impartirá un curso de rescate en ascensores.

A Casa da Cultura de Verín acollerá o sábado 21 de decembro, a partir das 12 horas, o tradicional concerto de Nadal do Conservatorio Elemental de Música de Verín, con repertorio clásico e de Nadal.

Tras a audición de violín e piano celebrada a principios de decembro, na xornada de mañá venres terán lugar dúas actividades que inician, de modo oficial, o ciclo de Nadal no municipio de Verín: Festival de Nadal e Festa de Nadal.

O equipo cadete de fútbol sala das Escolas Deportivas do Concello de Verín proclamouse, na xornada de onte, vencedor do premio ao "Mellor equipo de base 2012-2013", na gala organizada no Auditorio Municipal de Ourense polo xornal La Región.

Desde Desenvolvemento Local do Concello de Verín infórmase da publicación da resolución do 26 de novembro de 2013 pola que se dá publicidade ao acordo do Consello de Dirección do Instituto Galego de Promoción Económica que aproba as bases reguladoras das axudas do Igape á primeira implantación promocional conxunta no exterior (plan Primex), cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013 e se procede á súa convocatoria para o exercicio 2014, en réxime de concorrencia non competitiva.