Concello de Verín

Sete representantes das asociacións verinenses As de Folk, Entroideiros, Xente Nova e Fútbol Sala Verín asistiron ao foro 'Lidera a túa idea', organizado pola Dirección Xeral de Xuventude e Voluntariado, da Consellería de Traballo e Benestar, co obxecto de ofrecer apoio e asesoramento a todas aquelas persoas mozas que queiran levar a cabo as súas iniciativas e proxectos xuvenís no marco do programa “Iniciativa Xove”.

O sábado 11 de maio arrancará a sétima edición das Xornadas de Deporte e Saúde do Concello de Verín, coa realización do Campionato Provincial de Fútbol-Sala Benxamín, Alevín, Cadete e Infantil, organizado pola Secretaría Xeral para o Deporte da Xunta de Galicia, Xogade, delegación ourensana de Fútbol Sala e Concello de Verín.

Desde Desenvolvemento Local do Concello de Verín infórmase da publicación da resolución do 22 de abril de 2013 pola que se modifican as bases reguladoras aprobadas mediante Resolución do 7 de agosto de 2012 e se convocan para o ano 2013 as subvencións aos proxectos dinamizadores das áreas rurais de Galicia promovidos por microempresas para o uso das Tecnoloxías da Información e as Comunicacións, cofinanciadas co Fondo Europeo Agrario de Desenvolvemento Rural (Feader) no marco do PDR de Galicia 2007-2013.

Desde Desenvolvemento Local do Concello de Verín infórmase da publicación da orde IET/765/2013, do 26 de abril, pola que se convoca a concesión de apoio financeiro ao investimento industrial no marco da política pública de reindustrialización no ano 2013.

Desde Desenvolvemento Local do Concello de Verín infórmase da publicación da orde do 8 de abril de 2013 pola que se establecen as bases reguladoras para a concesión de axudas destinadas a favorecer os investimentos en materia ambiental por parte de entidades sen ánimo de lucro que realicen actividades económicas, cofinanciadas polo Fondo Europeo de Desenvolvemento Rexional, no marco do programa operativo Feder Galicia 2007-2013, e se fai pública a súa convocatoria para o ano 2013.