Concello de Verín

Mañá venres, o salón de actos da Casa da Cultura de Verín acollerá, a partir das 16 horas, o obradoiro e relatorio 'Crecemento en autoestima e comunicación familiar: coñécete a ti mesmo, créate a ti mesmo' e 'Bullying e mediación escolar', enmarcados no curso 'Mediación e xestión de conflitos”, organizado polo Centro Asociado da UNED en Ourense e o departamento de Educación Familiar do Concello de Verín -coa colaboración do CDR Portas Abertas-.

Ata o domingo 7 de abril, vintecatro alumnos/as do Statale Marco Belli de Portogruaro (Venecia), acompañados de catro profesores/as, unha vintena de estudantes do IES Taboada Chivite e educadores do mesmo centro visitan a Eurocidade Chaves-Verín, para continuar a desenvolver proxecto 'Xóvenes estudantes en Europa', enmarcado dentro do programa educativo Comenius.

O Fondo Galego de Cooperación e Solidariedade cofinancia con 18.200 o proxecto da ONGD Enxeñería sen Fronteiras para planificar o acceso á auga e ao saneamento na comunidade de Monjarás, no municipio hondureño de Marcovia. O obxectivo da intervención é mellorar a calidade de vida das e dos 8.268 habitantes da localidade mediante un emprego sostible dos recursos. Para logralo fortaleceranse as capacidades do persoal técnico da Alcaldía co fin de elaborar un Plan de Xestión Integral do Recurso Hídrico para Monjarás.

O vindeiro 5 de abril, ás 18.30 horas (horario local), a Sala Multiusos do Centro Cultural de Chaves acollerá a inauguración da exposición '18 Artistas Eurocidade Chaves-Verín', unha mostra colectiva de artistas dos dous municipios, organizada pola Associação Chaves Viva, Eurocidade Chaves-Verín, Município de Chaves e Concello de Verín. A mesma estará aberta ao público en Chaves ata o 30 de abril.

A Oficina Municipal de Información Xuvenil do Concello de Verín inicia o prazo de tramitación das solicitudes de inscrición dos/as mozos/as, entre nove e dezasete anos, interesados/as en participar na campaña “Verán 2013”, que promove nos meses de xullo e agosto, durante dez ou quince días, a Dirección Xeral de Xuventude.