Concello de Verín

 En total, trinta e seis alumnos e alumnas de catro centros educativos da comarca de Verín son finalistas no Certame de Poesía Xosé Carlos Caneiro Pérez e no Certame de Relato Curto Antonio Fernández Pérez, iniciativas que promove o Concello de Verín no marco das actividades programadas para conmemorar o Día das Letras Galegas. Os certames contan, un ano máis, coa colaboración de Gadis. Este ano, como novidade a gala contará cun Recital poético-musical, con soporte audiovisual, no que o actor valdeorrés Paco Campos recitará (e musica) unha serie de poemas de Florencio Delgado Gurriarán, homenaxeado no Día das Letras Galegas 2022.

 Durante os días 20, 21 e 22 de maio o cinema municipal de Verín acolle as proxeccións das películas "Sonic 2” e "En su punto" no Salón de Actos da Casa da Cultura nos seguintes pases.

 Este ano,  autor homenaxeado é Florencio Delgado Gurriarán, todo un reflexo da cultura galega no século XX, e cuxa figura encarna o activismo cultural desenvolvido polos galeguistas que fuxiron a México, tendendo sempre pontes co exilio interior.

Supermercados Gadis é a responsable dos versos que, dende o pasado mes de abril, comezaron a aparecer escritos en 220 pasos de peóns, muros e fachadas de 50 edificios de diversas localidades galegas, entre as que se encontra Verín. O seu obxectivo foi poñer o foco na cultura galega sumando unha nova acción, ao fío do Día das Letras Galegas, levantando a expectación e espertado o interese dos veciños, que se atopaban nas rúas das súas vilas con esta acción sorpresa.

 O  Concello  celebrou esta mañá a Mesa Xeral de Negociación para aprobar a Oferta de Emprego Público extraordinaria, en aplicación da  Lei 20/2021 de medidas urxentes para redución da temporalidade no emprego. Grazas ao acordo aprobado hoxe na casa do concello, entre o  Concello e os sindicatos participantes (CIG, CCOO e CSIF), todos aqueles postos ocupados por traballadores temporais que reúnan os requisitos esixidos pola lei van adquirir ben mediante un sistema de méritos ou ben por concurso-oposición a súa praza fixa.