Concello de Verín

Até ás 12 horas do día 30 de xaneiro, o Concello de Verín abre un período de inscrición para os cursos que forman para se presentar ás probas dos CELGA (certificados de lingua galega). A convocatoria para o 2012 é única: non se convocarán máis cursos até o 2013.

O vindeiro venres 13 de xaneiro, de 18 a 19.30 horas, a Biblioteca Pública Municipal de Verín programa a iniciativa 'Contos do Espacio', no marco da programación de actividades destinadas ao fomento da lectura e dinamización da instalación municipal.

Na xornada de mañá, ás 20 horas, a igrexa da Mercé de Verín acollerá o XVIII Concerto de Reis, organizado pola Asociación Verinense de Amigos da Música.

Desde Desenvolvemento Local do Concello de Verín infórmase da publicación da convocatoria das bases reguladoras da concesión, en réxime de concorrencia competitiva, de axudas para o financiamento de accións de cooperación para o desenvolvemento de novos produtos, procesos e tecnoloxías no ámbito agroalimentario, agrícola e forestal, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013, e se convocan para o ano 2012.

Desde Desenvolvemento Local do Concello de Verín infórmase da publicación da convocatoria das bases que regulan as axudas para a creación e mellora de microempresas de aproveitamentos forestais, parcialmente cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural (PDR) de Galicia 2007-2013 e se convocan para o exercicio orzamentario 2012.