Concello de Verín

O Centro Social de Tamaguelos acollerá o vindeiro venres 14 de xaneiro, ás 16 horas, unha charla informativa sobre o ‘Plan Maior de Seguridade’ dirixido ás persoas maiores, coidadoras e veciños/as desta localidade.

A Casa do Escudo acolle, do 12 ao 29 de xaneiro de 2011, as exposicións ‘Misturas’ e ‘Bolboretas, avelaiñas e outros insectos do Val de Monterrei’ de Carmen Burgos.

A Biblioteca Pública Municipal do Concello de Verín, organiza a exposición: ‘Elemental Querida Salander’. ‘A novela negra sueca dende Maj Sjöwall e Per Walhöö a Stieg Larsson e Henning Mankell’, desde o 12 ao 31 de xaneiro.

O alcalde de Verín, Juan Manuel Jiménez Morán, e o concelleiro de Festexos, Mocidade e Deportes, Víctor Manuel Baladrón Lamas, acudiron esta mañá á localidade de Tintores para entregarlle unha placa conmemorativa a Manuel Santamarina González, con motivo do seu 100 aniversario.

As 50 familias da localidade de Baleia, no municipio caboverdiano de Brava, dispoñen xa de auga corrente grazas ao proxecto cofinanciado en 2010 polo Fondo Galego de Cooperación e Solidariedade. A iniciativa repercutirá na mellora da calidade de vida da poboación e axudaralle a saír da precariedade mediante actividades agropecuarias, que son tradicionais na zona pero que se vían afectadas pola carestía da auga.