Concello de Verín

Os Servizos Sociais do Concello de Verín informan que, ata o 28 de marzo, está aberto o prazo da prestación económica de pagamento único por fillas e fillos menores de tres anos para este exercicio.

O pasado 28 de febreiro, ás 21 horas, realizouse no Auditorio Municipal de Chaves a reunión cos presidentes das xuntas parroquiais/pobos e os representantes para analizar as normas regulamentarias e o sorteo do cadro competitivo.

Con motivo das festas do Entroido, as dependencias administrativas do Concello de Verín abriranse de 10 a 13.30 horas, mañá venres 4 de marzo, e de 9.30 a 13.30 horas, os días 7 e 8 de marzo. O mércores 9 de marzo, Mércores de Cinza, permanecerán pechadas ao ser festivo local.

O vindeiro venres 4 de marzo, de 17 a 19 horas, a Biblioteca Pública Municipal do Concello de Verín organiza un obradoiro de ‘Contos de Entroido e Maquillaxe Infantil’, enmarcado dentro do ciclo de actividades lúdico-culturais programadas para o Entroido 2011 e destinado a fomentar o interese pola lectura entre os/as nenos/as do municipio.

O día 3 de marzo, Xoves de Comadres, os máis distinguidos personaxes e autoridades do panorama nacional acercaranse a pregoar a cita festiva máis importante de Verín, farano en voz de Xacobe Pérez e Moisés Morales, membros do programa radiofónico e agora televisivo “Corre Carmela que Chove” de V Televisión.