Concello de Verín

A partir desta tarde, o Concello de Verín iniciará as obras de pavimentación das rúas Laureano Peláez, Espido, Elle e Galicia, cuxo orzamento ascende 279.535, 54 euros.

Verín acolle o sábado día 21 de agosto Cultura en Ruta, un programa lúdico-musical, que este verán xira por Galicia levando música e entretemento para todos os públicos, e que está patrocinado e organizado por Caixanova e o Concello de Verín.

Coanhadeira preséntase en Verín actuando en concerto na praza García Barbón o venres día 20 de agosto, ás 23 horas. O acto está patrocinado pola S. A. de Xestión do Plan Xacobeo e polo Concello de Verín, e organizado pola Asociación Galega do Acordeón.

Durante os días 20 e 21 de agosto, a localidade de Verín acollerá o torneo de fútbol sala sub-15 ‘Vila de Verín’, organizado pola área de Deportes, Mocidade e Festexos do Concello de Verín, para mozos e mozas menores de 15 anos.

A concelleira de Cultura de Verín, María Corona Meixeira Romasanta, e o concelleiro de Deportes e Mocidade, Víctor Manuel Baladrón Lamas, entregaron esta mañá os premios do II Concurso de Narrativa Biblioteca Pública Municipal do Concello de Verín, destinado a fomentar a escritura e os valores culturais e deportivos.