Concello de Verín

O próximo venres 27 de novembro, a partir das 12 horas, o Concello de Verín e a Fundación Preescolar na Casa organizan xogos acuáticos para bebés, con idades comprendidas entre os seis meses e tres anos, na Piscina Climatizada de Verín.

O vindeiro 21 de novembro, de 11.30 a 13 horas, a Biblioteca Pública Municipal de Verín promove a actividade ‘Unha Biblioteca Máxica’, na que os/as participantes realizarán contacontos, xogos e manualidades.

Tras a realización dunha primeira mesa informativa, realizada o pasado 4 de novembro, as concellerías de Igualdade e Benestar Social, seguindo ás directrices marcadas pola Lei 2/2008,do 28 de marzo do Traballo en Igualdade dás Mulleres de Galicia., e en sintonía co que xa se fai noutros municipio, programa unha mesa de concertación do Plan de Programación do Tempo na Cidade,  para o próximo o día 17 de novembro, ás 20 horas, no salón de actos da Casa da Cultura.

O Concello de Verín en colaboración coa Deputación Provincial de Ourense organiza, entre o 14 de novembro e o 12 de decembro, un ciclo-homenaxe a Ángel Barja Iglesias, que foi o músico sobranceiro dos nacidos na comarca de Verín e un dos compositores galegos máis importantes do século XX. Compositor con máis de cincocentas obras en catálogo, obtivo, entre outros, o Premio Nacional de Composición (1972 e 1984), o Premio Internacional de Composición (1972 e 1981), o Premio Cristóbal Halfter (1982) e o Premio Internacional da Real Academia de Bellas Artes de Granada (1985).

Desde o 14 ao 28 de novembro a Casa do Escudo de Verín acolle a exposición ‘Última’, do artista verinense Fernando Barreira.