Concello de Verín

A Biblioteca Pública Municipal do Concello de Verín organiza, con motivo da celebración do Día Mundial das Bibliotecas, dous días de actividades nas súas instalacións: o venres día 23 de outubro, de 18 a 19.30 horas -para nenos/as de 3 a 7 anos- e o sábado 24, de 11.30 a 13 horas -para nenos/as de 8 a 12 anos-.

O presidente da Cámara Municipal de Chaves, João Batista, e o alcalde do Concello de Verín, Juan Manuel Jiménez Morán asinaron esta mañá a Carta Europea de Seguridade Viaria, impulsada pola Comisión Europea co fin de reducir o número de vítimas de accidentes de tráfico.

A Biblioteca Pública Municipal do Concello de Verín pon en funcionamento o Club de Lectura, dentro do programa de apertura de centros educativos fóra de horario lectivo da Consellería de Educación e Ordenación Universitaria, e en colaboración coa Fundación de Caja Rural.

A Secretaría Xeral de Telecomunicacións e para a Sociedade de Información, pertencente ao Ministerio de Industria, Turismo e Comercio, modificou a asignación inicial das canles radioeléctricas  previstas para a difusión dos múltiples estatais 67 e 69 de Televisión Dixital Terrestre (TDT) nos Centros de A Gudiña e Monterrei (Ourense).  Por tal motivo, o operador público Retegal axustará, na xornada de hoxe, os equipos dos centros referidos conforme á nova planificación, sendo as novas canles de emisión a 35 e 38 respectivamente.

O próximo sábado 17 de outubro, de 11.30 a 13 horas, a Biblioteca Pública Municipal de Verín organizará actividades lúdico-culturais para nenos/as de 3 a 10 anos.