Concello de Verín

Durante esta semana instalaranse no municipio de Verín un total de catorce colectores fixos para a recollida selectiva de aceites domésticos utilizados. Unha actuación resultado do convenio asinado entre a Deputación Provincial de Ourense, a empresa Urbaser SA e o Concello de Verín, e que non ten custo algún para as arcas municipais.

A Consellería de Educación e Ordenación Universitaria promoveu, nas últimas semanas, a obra de retirada de area e pavimentación do patio do centro de Educación Infantil do Amaro Refojo.

O Pavillón de Deportes de Verín acollerá mañá, 19 de setembro, o partido entre o Clube Ourense Baloncesto (COB)-Aguas de Sousas e Beirasar Rosalía de Santiago. Neste enfrontamento, que será a partir das 20 horas, a entrada é gratuíta.

O Concello de Verín, no marco do programa ‘Concellos Saudables’ financiado pola Consellería de Sanidade, continuará durante este curso escolar coas  seguintes actividades:

- Almorzos saudables, unha hora antes do comezo do horario escolar, no CEIP Princesa de España, Educación Infantil Amaro Refojo, CEIP Amaro Refojo e CPR María Inmaculada.

- Merendas saudables, unha hora despois do remate do horario escolar, nas escolas unitarias de Pazos e Feces de Abaixo (martes e xoves).

Do 17 ao 23 de setembro a Casa do Escudo de Verín acollerá InfantArt 2009, unha mostra dos traballos realizados no curso 2008-2009 nas aulas de Iniciación ás Artes Plásticas da Escola de Artes e Oficios de Verín.