Concello de Verín

 Esta mañá, tivo lugar -cun gran éxito de participación- a videoconferencia dedicada a Xela Arias na que participaron Víctor F. Freixanes (Presidente da Real Academia Galega) e Montse Pena Presas, (Profesa da USC, crítica literaria, escritora e biógrafa de Xela Arias).

 O sábado 17 de abril, ás 19:00 horas, a compañía  La pequeña victoria Cen, poñerá en escena “Gigante” un espectáculo familiar de circo-teatro feito de sutilezas e momentos sorprendentes inspirado en diferentes textos do poeta leonés Jorge Pascual.

 O vindeiro 7 de abril, ás 11:30 horas,  a Biblioteca do Concello de Verín convídanos a coñecer a Xela Arias da man de Víctor F. Freixanes (Presidente da Real Academia Galega) e Montse Pena Presas, (Profesa da USC, crítica literaria, escritora e biógrafa de Xela Arias) a través dunha videoconferencia temática.

 O Concello vén de rematar as obras de mellora de carreiro e creación de roteiro interpretativo na Veiga de Tintores, nas que o Concello de Verín licitou por 20.432,92 euros (máis o IVE), dos que 20.000 euros proceden da subvención financiada integramente polo Programa de desenvolvemento rural (PDR) de Galicia 2014-2020, cunha achega do Fondo Europeo Agrícola de Desenvolvemento Rural (Feader) do 75%.

 Esta mañá tivo lugar en  Caldeliñas a presentación de “Conquista VERÍN”, un divertido  xogo de mesa para toda a familia -similar  ao tradicional “ Monopoly”- no que se concentran  as  rúas  máis representativas da vila de Verín, así como diferentes  establecementos que colaboran  coa iniciativa. Parte das ganancias obtidas coa venda  do xogo irán destinadas a axudar ás persoas máis desfavorecidas da vila.