Concello de Verín

Desde o 21 de maio ao 10 de xuño, a Casa do Escudo de Verín acollerá a exposición Óleos e debuxos de Ana Ferreiro.

A obra desta artista está ligada ademais a un academicismo ben asumido, sen técnicas acartonadas e constantemente dirixido cara á amabilidade visual da tradición impresionista. Ademais, segundo sinala o historiador de arte, Manuel Márquez Crespo, tanto nos seus retratos, de moi correcta introspección psicolóxica e hábil execución, como en todas as súas paisaxes, impregnados dun cariz melancólico, prevalece sobre toda forma ese concepto: sinceridade.

A mostra poderase visitar de luns a sábado, das 10 ás 14 horas e das 16.30 ás 20.30 horas.