Concello de Verín

O vindeiro luns 9 de novembro, a Casa da Cultura de Verín acollerá a xornada ‘Estratexias para o Desenvolvemento do Cooperativismo na Comarca de Verín’, organizada polo Concello de Verín e a Consellería de Traballo e Benestar.

Esta xornada, destinada a empresarios, emprendedores e traballadores da comarca, ten como obxectivos xerais contribuír a promocionar e difundir o cooperativismo en Verín -formas de constitución da cooperativa, vantaxes e ferramentas de desenvolvementos económico, social e de xeración de emprego de calidade-; e dar a coñecer experiencias de éxito que, ao respecto, se desenvolveron tanto en Galicia como no norte de Portugal.

O programa de ‘Estratexias para o Desenvolvemento do Cooperativismo na Comarca de Verín’ é o seguinte:
- 10 horas. Apertura da Xornada e conferencia central: As cooperativas e o seu futuro próximo en Galicia, de Higinio Mougán Bouzón, director xerente de AGACA (Asociación Galega de Cooperativas Agrarias).
- 10.30 horas. Factores clave de éxito na xestión das cooperativas: “O caso Feiraco”, de Ismael Martínez Lede, responsable técnico I+D+I de Feiraco, S. C. G. (Negreira- A Coruña).
- 11.15 horas. Pausa – café.
- 11.45 horas. Mesa redonda: Experiencias de cooperativas: as claves do éxito, moderada por Victoria Rois García -secretaria xeral da Cámara de Comercio e Industria de Ourense-; e coa participación de Alberto Amil Chaves -presidente Horsal, S. C. G. de Cambados (Pontevedra)-, Luis Pisco -presidente da Cooperativa Agrícola Norte Transmontano, C.R.L. de Chaves (Portugal)- e Begoña Gómez González -técnico Biocoop, S.C.G. (Verín)-.
- 14 horas. Acto de Clausura, coa participación de Xoan Miguel Concheiro Abal -subdirector xeral de Cooperativas e Economía Social da Consellería de Traballo- e Benestar e Juan Manuel Jiménez Morán -alcalde de Verín-.