Concello de Verín

O Concello de Verín vén de anunciar a finalización das labores de limpeza das pintadas nas fachadas da piscina climatizada. Esta acción enmárcase dentro do plan "Accións de Restauración do Embelecemento Urbano", unha iniciativa que busca afrontar de maneira integral os desafíos de seguridade e embelecemento nas zonas afectadas polo vandalismo.

Compromiso cun entorno limpo e seguro

No Concello de Verín, entendemos a importancia de actuar de inmediato para preservar a estética e a calidade de vida na nosa vila. Por iso, a limpeza das fachadas afectadas foi abordada coa máxima rapidez, logrando mellorar considerablemente o aspecto desta instalación e promovendo un entorno máis limpo e agradable para todos.

Vixilancia activa e reforzo policial

Para garantir a prevención destes actos vandálicos no futuro, xa se contratou a instalación de cámaras de vixilancia en áreas clave da vila. Esta medida súmase ao reforzo do corpo policial, cun proceso en marcha para a incorporación de novos axentes a través da OP, o que aumentará significativamente a presenza policial e reforzará a seguridade en Verín.

Dende o Concello de Verín, reiteramos que a seguridade cidadá e a prevención do delito son as nosas prioridades. A limpeza de pintadas e outras accións de embelecemento lévanse a cabo cunha serie de estratexias que aseguren que os axentes de policía poidan centrarse nas súas funcións prioritarias sen interrupcións.

Chamamento ao civismo

«Facemos un chamamento á cidadanía para que colabore co Concello de Verín no coidado dos espazos públicos e no respecto polas instalacións e fachadas. Un Verín limpo e ordenado é responsabilidade de todos. Xuntos podemos manter unha vila acolledora, limpa e segura, onde o civismo e o respecto ao espazo común se convertan en valores compartidos que melloren a calidade de vida de toda a comunidade», explicou o alcalde de Verín, Gerardo Seoane.

Agradecemos aos cidadáns a súa colaboración e comprensión neste proceso e seguimos traballando para construír un Verín máis limpo, seguro e acolledor para todos.

.