Concello de Verín

O Concello de Verín manifesta a súa máis rotunda condena ante o intento de feminicidio ocorrido recentemente na nosa vila, un acto brutal de violencia machista que rexeitamos de maneira contundente.

Queremos trasladar todo o noso apoio, solidariedade e afecto á vítima e á súa contorna. Este feito non só nos conmociona como institución, senón que afecta a toda a sociedade verinesa, que non pode nin debe permanecer en silencio.

A violencia contra as mulleres é unha violación dos dereitos humanos. Non é un problema individual, senón estrutural. Necesitamos respostas firmes e conxuntas desde todos os ámbitos: institucional, social e cidadán.

Por iso, sumámonos e animamos a toda a veciñanza a participar no acto de repulsa que terá lugar mañá, martes 27 de maio, ás 12:00 h na Praza do Concello de Verín. Debemos facer visible que Verín está do lado das vítimas e contra todo tipo de violencia machista.

Non estás soa. Estamos contigo.
Non imos calar. Non imos parar.