Concello de Verín

O Concello de Verín vén de anunciar a apertura do prazo de presentación de instancias para cubrir diversas prazas de persoal laboral temporal durante a tempada estival de 2025. As contratacións están dirixidas a reforzar os servizos municipais relacionados co ocio, a seguridade acuática e as actividades deportivas infantís.

En concreto, ofértanse:

• 9 prazas de monitores/as de ocio e tempo libre, con contrato dende o 23 de xuño ata o 12 de setembro. Os dous primeiros postos serán a xornada completa e os sete restantes, a xornada parcial.

• 1 praza de coordinador/a da ludoteca de verán e do campamento urbano, tamén cun contrato a xornada completa desde o 23 de xuño ata o 12 de setembro.

• Prazas de monitores/as deportivos, con contrato a xornada parcial desde o 23 de xuño ata o 5 de setembro, para as escolas deportivas de verán.

• Prazas de socorristas, a xornada completa, dende o 21 de xuño ata o 12 de setembro.

As persoas interesadas deberán presentar as súas solicitudes no prazo de 7 días naturais a partir do día seguinte á publicación dos anuncios, sendo o 4 de xuño de 2025 o último día para tramitar a instancia.

Toda a información, así como os anexos e formularios necesarios, está dispoñible na sede electrónica do Concello de Verín ou de maneira presencial no taboleiro de anuncios do Concello.

Estas contratacións permiten reforzar os servizos públicos durante a época estival, garantindo a seguridade, a calidade e a diversidade da oferta municipal dirixida á infancia e á mocidade.

- ANUNCIO COORDINADOR LUDOTECA

- ANUNCIO MONITOR DEPORTIVO

- ANUNCIO SOCORRISTAS

  20250527 ANEXO III BASES

- BASES CONTRATACION MONITORES LUDOTECA

- BASES CONTRATACION COORDINADOR/A LUDOTECA

- BASES ESPECIFICAS

- BASES ESPECIFICAS SOCORRISTAS