|
Verín, 4 de xuño de 2025.
A Área de Deportes do Concello de Verín pon en marcha unha nova edición da Escola de Verán, unha das actividades máis agardadas polas familias verinesas. A XVI Escola de Verán desenvolverase do 23 de xuño ao 5 de setembro e está dirixida a nenos e nenas de entre 4 e 15 anos.
Trátase dun programa lúdico-deportivo que busca fomentar a igualdade, a convivencia e o deporte mediante xogos coeducativos, torneos competitivos, saídas pola contorna, días temáticos, excursións, cine, teatro, danza, bailes urbanos, obradoiros e visitas diarias ás piscinas descubertas de A Granxa. Nesta edición destacan importantes novidades como:
• A ampliación dos grupos de fútbol aos 5 días da semana.
• A incorporación de cursiños de natación por quendas para os nenos que máis o precisen.
• Novos destinos nas excursións.
• Maior variedade nas disciplinas deportivas e nas actividades competitivas.
Modalidades de participación
As familias poderán escoller entre diferentes modalidades de participación: • Por días soltos, semanas, quincenas, semi-completo (1 mes e 2 semanas) ou o programa completo de todo o verán.
Grupos dispoñibles: o Grupo Xeral: 3 días (luns-mércores-venres) ou 5 días á semana.
o Grupo de Fútbol/Fútbol Sala: a partir de 7 anos, en opción de 3 ou 5 días á semana.
o Grupo Mixto: 5 días á semana, combinando fútbol e actividades xerais.
As actividades desenvolveranse de luns a venres, entre as 08:00 e as 14:30 horas. Os lugares principais serán o Pavillón Municipal de Deportes e o Complexo Deportivo A Granxa.
Información para as familias
O luns 23 de xuño ás 09:00 horas celebrarase unha reunión informativa no Pavillón Municipal para todas as familias e participantes, incluídos os inscritos nos grupos de fútbol.
Inscricións
O prazo de inscrición abrirase o mércores 5 de xuño e manterase ata esgotar as prazas dispoñibles. As solicitudes serán atendidas por estrita orde de chegada, dando prioridade ás familias monoparentais que traballen e non dispoñan doutra opción de coidado para os seus fillos.
A inscrición poderá formalizarse: • Presencialmente no Pavillón Municipal de Deportes (Rúa Irmáns Moreno, 13) de luns a venres, en horario de 09:00 a 14:00 h.
• Por correo electrónico enviando a documentación necesaria a:
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
A documentación a presentar inclúe: • Folla de solicitude de inscrición e de consentimentos.
• Fotocopia do DNI do menor.
• Xustificante de pagamento das taxas.
• Acreditación de eurocidadanía ou empadroamento para acceder á tarifa reducida.
- Hojas de Inscripción ESCUELA DE VERANO 2025
- Normativa General de Inscripciones ESCUELA DE VERANO 2025
- CARTEL ESCUELA VERANO 2025
|
