Concello de Verín

O Concello de Verín anuncia a apertura oficial das súas piscinas descubertas o vindeiro sábado 21 de xuño, dando así comezo á tempada estival 2025 cun espazo de lecer pensado para o disfrute de veciñanza e visitantes.

As instalacións, situadas no espazo de A Granxa, estarán operativas todos os días da semana, de luns a domingo, en horario ininterrompido de 12:30 a 20:30 horas, incluíndo tamén os días festivos.

Este servizo municipal, que cada ano reúne centos de persoas durante os meses máis cálidos, ofrece unha alternativa segura e accesible para o ocio familiar, o deporte e o descanso ao aire libre.