|
Verín, 27 de novembro de 2026. O Pleno da Corporación aprobou esta mañá de forma inicial o Orzamento Xeral de 2026, unha ferramenta económica que medra ata os 16.054.179,57 euros e que, segundo subliña o executivo municipal, «pretende dar resposta ás necesidades reais da veciñanza con rigor financeiro, estabilidade e sentido de utilidade pública».
• Investiranse 3,7 millóns en actuacións clave para a mellora urbana, o patrimonio e os servizos públicos.
• Este orzamento consolida o equilibrio entre ingresos e gastos, cun incremento do 8,94% respecto ao exercicio anterior.A sesión celebrouse baixo a fórmula de convocatoria extraordinaria e urxente, unha decisión xustificada na orde do día pola necesidade de garantir a entrada en vigor do documento o 1 de xaneiro e evitar a prórroga automática das contas vixentes.
Segundo se recolle na Memoria de Alcaldía integrada no expediente orzamentario desenvolto pola Alcaldía, pola Concellería de Economía e Facenda e polos Servizos de Intervención, o orzamento consolida o equilibrio entre ingresos e gastos, cun incremento do 8,94% respecto ao exercicio anterior.
Un orzamento que aposta polo investimento sostido e a cohesión social
O goberno local destaca que o documento combina prudencia financeira e capacidade inversora, cun capítulo VI que acada os 3,7 millóns de euros, especialmente orientado á mellora de infraestruturas, a renovación urbana e a conservación do patrimonio.
Actuacións previstas para 2026:
ADQUISICIÓNS E PATRIMONIO
• Adquisición de terreos para patrimonio municipal ? 100.000 €
• Expropiacións de terreos. Fontenova (Proxectos FEDER) ? 250.000 €
SERVIZOS PÚBLICOS, MATERIAIS E CONTEDORES
• Árbores e plantas ? 50.000 €
• Materiais de construción para obras municipais ? 100.000 €
• Materiais para Parques e Xardíns ? 100.000 €
• Adquisición de contedores de residuos ? 18.000 €
INFRAESTRUTURAS EDUCATIVAS, DEPORTIVAS E MUNICIPAIS
• Nova Escola Infantil ? 500.000 €
• Piscinas Municipais Exterior (nova inversión) ? 50.000 €
VÍAS, URBANIZACIÓNS E PAVIMENTACIÓNS
• Nova urbanización Avda. Luis Espada – Avda. Portugal ? 60.000 €
• Pavimentación vías urbanas (COOPOU - Deputación) ? 302.663,71 €
• Pavimentación Mourazos ? 48.000 €
• Pavimentación rúa Marbana ? 50.000 €
• Pavimentación núcleos rurais ? 300.000 €
• Aceras de formigón rayado/pulido en todo o termo municipal ? 100.000 €
PATRIMONIO E REHABILITACIÓN
• Rehabilitación edificio histórico Fontenova ? 100.000 €
• Rehabilitación edificio histórico Recaredo Romero ? 100.000 €
• Rehabilitación Puente de San Lázaro ? 637.471,57 €
• Rehabilitación Lonxa Agropecuaria en madeira ? 250.000 €
OBRAS E PROXECTOS FINANCIADOS (SUBVENCIÓNS E PROGRAMAS)
• Plan LEADER MR701L ? 27.300 €
• Melloras no Conservatorio (Subv. Deputación) ? 20.000 €
AUGAS, ABASTECEMENTO E URBANISMO
• Remunicipalización do servizo de abastecemento e saneamento de auga ? 220.000 €
• Entorno Igrexa parroquial (Casco Histórico)
Demolición de edificacións no entorno da Igrexa Parroquial ? 86.872,88 €
PLANIFICACIÓN URBANÍSTICA
• Estudos e proxectos técnicos: PXOM – PEPRICH ? 200.000 €
INVERSIÓN PLURIANUAL (1 proxecto)
• Plan Camiña Rural AGADER 2026 ? 25.929,25 €
Ao mesmo tempo, increméntase o compromiso co tecido social, cultural e deportivo, a través dun capítulo IV de transferencias correntes que supera os 759.000 euros, mantendo as liñas de apoio a entidades e colectivos da vila.
Por outra banda, o gasto de persoal, que ascende a 6,7 millóns de euros, incorpora as actualizacións salariais previstas a nivel estatal e a consolidación das prazas vinculadas aos procesos de estabilización en curso para 2026.
Outros asuntos aprobados na sesión plenaria
Ademais da aprobación orzamentaria, o Pleno ratificou outros asuntos incluídos na orde do día:
• Moción do Grupo Municipal do PP sobre a centralización dos xulgados de violencia sobre a muller na capital provincial.
• Moción institucional para solicitar o mantemento do servizo notarial en Verín, considerada prioritaria para garantir seguridade xurídica e actividade económica na comarca.
• Adxudicación de dúas operacións de crédito a longo prazo, adxudicadas á entidade CAJA RURAL DE ZAMORA (C.C.), segundo as propostas de Alcaldía e as actas da Mesa de Contratación:
Operación de crédito 2/2025 ? 1.000.000 €
Operación de crédito 3/2025 ? 475.000 €
Ambas ofertas foron as máis vantaxosas en termos de tipo de interese (margen bruto sobre Euribor 3 meses +0,650), ausencia de comisións e garantías, segundo a documentación oficial.
• Convenio urbanístico coa Diócese de Ourense que permitirá ao Concello adquirir –mediante doazón e compra– diversas parcelas e edificacións situadas na mazá do entorno da Igrexa de Santa María a Maior, co obxectivo de eliminar construcións obsoletas, liberar espazos actualmente en desuso e crear un novo ámbito público de zonas verdes e uso libre plenamente integrado no Casco Histórico. A actuación forma parte da reordenación prevista no Plan Especial e busca mellorar a contorna patrimonial da igrexa, ampliar os espazos de convivencia e garantir unha ordenación coherente e protexida deste enclave urbano.
ESTADO DE INGRESOS
1.- Impostos directos .................................... 3.833.776,90 €
2.- Impostos indirectos .................................. 350.000,00 €
3.- Taxas e outros ingresos ............................. 3.958.814,41 €
4.- Transferencias correntes ............................ 5.413.142,05 €
5.- Ingresos patrimoniais ................................ 3.700,00 €
6.- Alleamento de investimentos ....................... 0,00 €
7.- Transferencias de capital ............................. 389.746,21 €
8.- Activos financeiros ..................................... 105.000,00 €
9.- Pasivos financeiros .....................................2.000.000,00 €
TOTAL INGRESOS ........................................................... 16.054.179,57 €
ESTADO DE GASTOS
1.- Gastos de persoal ......................................................... 6.725.740,31 €
2.- Gastos correntes en bens e servizos ................. 3.610.065,28 €
3.- Gastos financeiros ......................................................... 250.340,57 €
4.- Transferencias correntes ........................................... 759.796,00 €
5.- Fondo de continxencia ................................................ 50.000,00 €
6.- Investimentos reais ..................................................... 3.696.237,41 €
7.- Transferencias de capital ......................................................... 0,00 €
8.- Activos financeiros ....................................................... 105.000,00 €
9.- Pasivos financeiros ...................................................... 857.000,00 €
TOTAL GASTOS .............................................................. 16.054.179,57 €
|
Cidade 
