Concello de Verín

 Desde Desenvolvemento Local do Concello de Verín infórmase da publicación da seguinte axuda:

- Subvencións a pequenos comerciantes individuais autónomos que abandonen a actividade comercial, en desenvolvemento do Plan Ágora, agora Re-comercia.

Esta orde ten por obxecto fomentar o relevo xeracional dos empresarios individuais próximos a acadar a idade de xubilación na actividade comercial e a rexeneración do tecido empresarial comercial coa dispoñibilidade do mercado de novos locais comerciais.

Poderán ser beneficiarios desta subvención os comerciantes detallistas que teñan capacidade legal para exercer o comercio e se dediquen a el de xeito habitual, de acordo coa definición establecida no artigo 1 do Código de comercio. Con carácter accesorio, tamén poderán ser beneficiarios das axudas o cónxuxe, colaborador deste no seu establecemento comercial e autónomo, que reúna os mesmos requisitos que o titular do comercio, no momento da solicitude da axuda polo devandito titular.

O prazo de presentación de solicitudes finaliza o 5 de abril de 2010.

Para máis información e tramitación, de forma gratuíta, deben dirixirse á oficina de Desenvolvemento Local, situada no primeiro piso do Concello de Verín ou no teléfono 988-410000.