Concello de Verín

Un total de vinte verinenses iniciaron onte a 4ª edición do Programa de Termalismo Social Eurocidade Chaves-Verín, que se desenvolve nas Termas de Chaves – SPA do Emperador durante nove días.

Esta iniciativa permitirá que persoas maiores de 50 anos realicen devanditas prácticas termais, facendo o tratamento que, en cada caso, o médico hidroloxista lles prescribiu no primeiro día de consulta, por un importe desde 125 euros.  No paquete inclúese: transporte en autobús ata as Termas de Chaves e regreso a Verín, consulta de médico e acompañamento de enfermería, material necesario para acceder aos tratamentos termais (chanclas, gorro e bolsa), así como albornoz e toallas durante os tratamentos.

Este programa de turismo de saúde e benestar está dirixido aos cidadáns de ambos lados da fronteira, e busca “promover a saúde a través da auga”, converter a Eurocidade “nun destino turístico de excelencia” e “estreitar lazos de convivencia social entre os cidadáns de Chaves e Verín”. Devandito programa da continuidade ao programa de turismo de saúde e benestar sen saír da casa, iniciado tras a firma dun protocolo entre a empresa municipal que xestiona as Termas de Chaves e o Concello de Verín. Unha acción que complementa ao outro protocolo asinado en 2008, polo que os/as veciños/as de Verín xa contan cos mesmos prezos que os de Chaves para o uso das Termas.

Por outra banda, durante os días 5 e 6 de xuño, e tamén no marco da Eurocidade Chaves-Verín, terá lugar a 2ª edición do Fin de Semana Termal, destinado aos/as cidadáns/as dos municipios de Chaves e Verín.

Os/As participantes neste programa de benestar, que se desenvolven no SPA do Emperador das Termas de Chaves, deben ser maiores de 18 anos, e poden optar entre dous paquetes de tratamentos -de 1 e 2 días de duración-:  vigor (35 euros) e relaxante (38 euros). Ambos paquetes serán ofrecidos en sesións de mañá ou de tarde, o sábado 5 de xuño, e só de mañá o domingo 6 (de 10 a 13 horas e de 17 a 20 horas).

O programa vigor inclúe: sauna ou baño turco, chorro a presión, cromoterapia ou hidropresoterapia e ducha Vichy. Mentres que o relaxante inclúe: baño de hidromasaxe en piscina ou bañeira, vapor en columna (Bertholet ou Bertholaix) e masaxe descontracturante ou hidratación corporal. Para a realización dos tratamentos, só é necesario levar bañador, xa que as Termas de Chaves proporcionan o gorro e as chanclas.

As inscricións poden realizarse ata o 2 de xuño, no Gabinete de Apoio Técnico da Eurocidade, situado no Concello de Verín (de 9 a 14 horas), e nas Termas de Chaves (de 9 a 12 horas e de 16 a 19 horas).