Concello de Verín

Desde o día 17 de xullo ata 12 de agosto, a Casa do Escudo de Verín acolle a exposición de ‘Pinturas de Luz Nóvoa e Esculturas de Sindo’, na que colabora o Concello de Verín.

Luz Nóvoa presentará oito pinturas en óleo e outras tantas en madeira, ademais de vinte obras en estaño. Todas elas xiran en torno aos debuxos de Alfonso Rodríguez Castelao. Esta pintora, alumna do artista luso Alfredo Cabeleira, xa participou en mostras en Monterrei, Xinzo de Limia, Chaves (Portugal) e Verín.

Sindo Álvarez amosará, na súa primeira exposición, doce tallas e esculturas en madeira, asentadas nunha temática natural que recollen imaxes de pontes, hórreos ou animais.

A mostra poderase visitar de luns a xoves (das 10 ás 15 horas e das 16.30 ás 21.30 horas), venres e sábados (das 10 ás 14 horas e das 16.30 ás 20.30 horas) e domingos (de 12 a 15 horas).