Concello de Verín

O Concello de Verín finalizou as obras de acondicionamento e reparación da fonte do parque da Alameda de Verín, cuxo orzamento ascendeu aos 27.145,16 euros.

As mesmas permitiron re/parar e acondionar os surtidores e o interior desta fonte, que “non funcionaba desde fai oito anos”, recoñece o rexedor de Verín, Juan Manuel Jiménez Morán, e que “supuña un perigo para os nenos e usuarios deste parque, xa se atopaba chea de cristais e lixo depositado por vándalos, que se dedican a estragar os espazos públicos da vila". Unha situación que propiciou o valado de devandita fonte para evitar danos entre os usuarios da Alameda.

Este espazo verde, situado no centro urbano de Verín, foi totalmente remodelado polo actual grupo de goberno, grazas á construción de dous parques infantís con chan de caucho, unha pista de petanca, un parque biosaludable e substitución do mobiliario urbano.

Por este motivo, o rexedor pide aos verineses e visitantes que se respecte a zona, do mesmo xeito que outros espazos de Verín, porque “os actos vandálicos non só dan mala imaxe da vila, senón que tamén estragan uns espazos públicos que son de todos os verineses".