Concello de Verín

Desde hoxe e ata o 30 de xullo, a Casa do Escudo de Verín acolle a exposición “Encustraciones. El arte que promueve al arte”, do verinense Julio Pousada.

A mostra está conformada por 23 cadros e 8 esculturas realizadas en vidro e metal, realizadas durante este último ano. O artista verinense formouse como pintor na Escola de Artes de Nürnberg (Alemaña), país no que residiu durante 20 anos. Ao longo da súa traxectoria artística participa en numerosas exposicións colectivas e individuais en distintas cidades europeas como Munich, Amsterdam ou Verona.

A exposición pódese visitar no seguinte horario: de martes a sábado de 10 a 22 horas e o domingo e luns de 13 a 22 horas.