Concello de Verín

No municipio nicaraguano de Totogalpa vén de rematar o proxecto cofinanciado polo Fondo Galego de Cooperación e Solidariedade para promover a participación cidadá. A entidade achegou 50.000 euros á proposta presentada pola ONGD Paz e Desenvolvemento en 2009 á convocatoria de subvencións para proxectos de cooperación internacional ao desenvolvemento. O Instituto de Promoción Humana (INPRUH), parceiro tradicional do Fondo Galego, implementou a iniciativa no terreo.

O vindeiro 28 de decembro, de 18 a 19.30 horas, a Biblioteca Pública Municipal de Verín programa a actividade ‘Nadal na Biblioteca’, para nenos/as socios/as da instalación, con idades comprendidas entre os 3 e 9 anos.

Ao longo desta xornada, a sala de xuntas do Concello de Verín acolleu a primeira reunión do xurado para a selección do anteproxecto de construción do Centro das Artes Municipal de Verín.