Concello de Verín

A celebración do Domingo de Piñata puxo o broche final ao Entroido 2010. Durante o acto tivo lugar un xantar nun restaurante da vila, o reparto das placas conmemorativas para premiar a participación de comparsas e carrozas, e a entrega dos seguintes galardóns -por parte de Juan Manuel Jiménez Morán, alcalde de Verín, Víctor Manuel Baladrón Lamas, concelleiro de Festexos, e os membros da Comisión-:

- Cigarrón de Honra: Modesto Meno Nieto
- Mención Especial: Elena Rodríguez Guedes “A Raíña do Entroido”
- A mellor comparsa: Monicreques
- A mellor carroza: Los Chipirones
- O “Pescadilla”: Emilio Boo Vaz
- Fidelidade: José Manuel García Noriega

Que con motivo das festas do entroido e durante o transcurso das mesmas, os días 11, 12, 13, 14, 15 e 16 de Febreiro do 2010, vaise pechar o tráfico rodado ao casco antigo da vila e tamén as rúas Alameda, Muralla e Praza Alameda, coa finalidade de garantir a seguridade peonil e o bó desenvolvemento das festas, con tal motivo queda prohibido o estacionamento e a circulación en ditas rúas, agás, excepcionalmente, os residentes para gardar os seus automóbiles. Solicítase a colaboración dos veciños, para que non deixen os seus vehículos estacionados nas referidas rúas, nembargantes, o sábado pola mañá, o luns e o martes, en horario de 08,00 a 14,00, permitiráse a entrada de vehículos para o reparte.