O  Concello  de  Verín e  o  Centro  de  Transfusión  de  Galicia  ( CTG ), impulsan  unha  iniciativa  que  ten  como  obxectivo  promover a  participación  dos  veciños  e  veciñas  nas  campañas  de  doazón  de sangue,  e  deste  xeito  garantir o  correcto  desenvolvemento  do  labor  asistencial  nos  centros  sanitarios  galegos,  que  van  a  precisar  ó  redor  de  44.000  doazóns  de  sangue  nos  meses  de  verán  para  cubrir  todas as  necesidades.
As  persoas  que  desexen  participar  poden  acudir  á  unidade  móbil  do  CTG  a :

Parque da Alameda, enfrente ao Centro da Terceira Idade

VENRES, 8 de AGOSTO
De 10.30 ás 14.00 e de 16.30 ás 21.00 horas

SÁBADO, 9 de AGOSTO
De 10.30 ás 15.00  horas

Mediante  esta  iniciativa,  que  se  está  a  desenvolver  este  verán  en  máis  de  200  Concellos,  preténdese  mellorar a  información  sobre  este  acto altruísta.  O  Concello  de  Verín e o CTG  amosan o seu  agradecemento a  tódolos  veciños que  participan  cada  ano  nas  campañas  de  doazón  de  sangue  e  permiten  deste  xeito  que  moitos  enfermos  recuperen  a  súa  saúde. O  pasado  ano  2007  houbo  977 doazóns  no  noso  Concello, o que nos  permitiu  superar o índice  de  doazón  de  sangue  recomendado  pola  Organización  Mundial  da  Saúde. O noso obxectivo é  manter  este  nivel  de  participación  para  que  o  noso   Concello    sexa   un   dos   máis   solidarios   de   Galicia.