Desde Desenvolvemento Local do Concello de Verín infórmase da publicación da convocatoria de bases reguladoras para a concesión de subvencións en réxime de concorrencia non competitiva relativa ao Plan Renove de Equipos de Iluminación Interior, se regula a selección de entidades colaboradoras que participarán na súa xestión, e se convocan as devanditas axudas como anticipadas de gasto.

O obxectivo deste plan é mellorar a eficiencia enerxética das edificacións, a través da renovación de instalacións existentes de equipos de iluminación interior por outras máis eficientes, reducindo así o consumo de enerxía.

Poderán ser beneficiarios das subvencións as persoas físicas e xurídicas de dereito público ou privado, propietarios ou titulares de calquera dereito sobre inmobles do sector residencial e terciario, comunidades ou mancomunidades de veciños, sempre que a actuación subvencionable descrita no artigo 3 se realice en vivendas ou edificios sitos na Comunidade Autónoma de Galicia. No caso de persoas xurídicas de dereito público ou privado, deberán ter o domicilio social ou algún centro de traballo en Galicia.

As actuacións subvencionables deben cumprir cos seguintes requisitos técnicos e xustificarse segundo o modelo dispoñible na web do Inega (www.inega.es):
• Levar asociada unha redución anual, de ao menos un 30% do consumo de enerxía convencional en     iluminación interior, garantindo un confort lumínico adecuado á tarefa que se vaira realizar.
• Se a instalación está incluída no ámbito de aplicación do documento HE-3, Eficiencia enerxética     das instalacións de iluminación, do Código técnico da edificación, a nova instalación debe cumprir coas exixencias establecidas nel.

Son subvencionables as actuacións que se indican a continuación cando cumpran cos requisitos técnicos establecidos neste punto, para as cales se considera como investimento elixible máximo por unidade o seguinte:

a) Substitución de lámpadas existentes por:

Lámpadas subvencionables: Investimento elixible máximo (*) (€/unidade)

Fluorescentes tubulares lineais de 26 mm de diámetro                                       10

Fluorescentes tubulares lineais de 16 mm de diámetro                                       15

Fluorescentes compactos integrados (lámpadas de baixo consumo)                     18

Fluorescentes compactos (TC)                                                                       20

Lámpadas de descarga de haloxenuros metálicos (HM)                                       90

Lámpadas LED (con casquillo E14, E27, GU5.3, GU10)                                       60

Tubo LED sen equipo integrado                                                                     60

Tecnoloxía de indución                                                                                 60

Lámpadas sodio de alta presión                                                                      50

(*) O investimento elixible máximo inclúe o prezo do material e a súa instalación.

b) Substitución de balasto convencional por:

Balastos subvencionables                                        Investimento elixible máximo (*) (€/unidade)

Balasto electrónico                                                                                        40

Balasto electrónico regulable                                                                           90

Balasto electrónico para HM                                                                           175

Balasto electrónico para SAP                                                                          150

(*) O investimento elixible máximo inclúe o prezo do material e a súa instalación.

c) Renovación de luminarias existentes por:

Luminarias subvencionables                                                Investimento elixible máximo(*) (€/unidade)

Proxector con equipo electrónico (con/sen regulación) sen lámpadas                  500

Downlight con balasto electrónico (con/sin regulación) sen lámpadas                  250

Pantalla estanca con balasto electrónico (con/sin regulación) sen

lámpadas                                                                                                   100

Pantalla fluorescente con balasto electrónico (con/sen regulación)

sen lámpadas                                                                                             250

(*) O investimento elixible máximo inclúe o prezo do material e a súa instalación.

d) Outras actuacións subvencionables:

Outras actuacións subvencionables                         Investimento elixible máximo(*) (€/unidade)

Sistemas de control de fotocélula                                                                     85

Sistemas de control de fotocélula integrada en luminaria                                      35

Detectores de presenza                                                                                 150

Seccionamento da instalación                                                                           30 €/m2

Reforma do cadro de mando e protección                                                         300

(*) O investimento elixible máximo inclúe o prezo do material e a súa instalación.

Non será subvencionable a actuación en edificios de natureza pública ou dos seus organismos ou sociedades dependentes, se teñen unha facturación enerxética e de mantemento das instalacións consumidoras de enerxía superior a 200.000 euros/ano.

O investimento mínimo para que a actuación sexa elixible deberá ser de 500 euros (co IVE incluído, si é subvencionable). Os conceptos de albanelaría non son subvencionables. En ningún caso serán subvencionables os gastos relativos á renovación dos equipos de iluminación interior que xa foran obxecto de subvención en anos anteriores.
A contía de subvención será o 25% do custo elixible da nova instalación de iluminación, cun máximo de 1.500 euros para vivenda unifamiliar/piso, 10.000 euros por edificio de vivendas en bloque e 25.000 euros por edificio do sector terciario destinado a outros usos diferentes de vivenda. No caso de que nun edificio se subvencionara a renovación  de determinado/s equipo/s de iluminación interior en anteriores convocatorias de axudas do Inega, poderá subvencionarse no mesmo edificio, a través da presente convocatoria, a renovación doutros equipos de iluminación interior cos límites máximos anteriores, tendo en conta a suma de todas as axudas solicitadas e concedidas. En ningún caso o custo de adquisición dos gastos subvencionables poderá ser superior ao valor do mercado.

O Plan entrará en vigor mañá 28 de decembro e rematará o día 30 de outubro de 2012. As entidades colaboradoras actuarán de enlace entre os solicitantes das axudas e o Inega. Serán as encargadas da venda, da promoción, da substitución e da instalación dos equipamentos. O prazo para a presentación das solicitudes de adhesión simplificada e ordinaria será de finaliza o 9 de xaneiro de 2012. O prazo máximo para resolver e notificar a resolución será de nove (9) meses contados desde a data da reserva de fondos na aplicación informática. Se transcorrese o prazo máximo para resolver sen que recaese resolución expresa, os solicitantes poderán entender desestimadas as súas solicitudes por silencio administrativo, de conformidade co artigo 23.5 da Lei 9/2007, do 13 de xuño, de subvencións de Galicia.

Para máis información deben dirixirse á oficina de Desenvolvemento Local, situada no primeiro piso do Concello de Verín ou no teléfono 988-410000.