Concello de Verín

O Concello de Verín pon en marcha unha nova tempada de cinema municipal no Salón de Actos da Casa da Cultura, ofrecendo de novo á veciñanza unha programación estable de cinema comercial de estrea, cunha selección de títulos para todos os públicos e nun espazo cómodo, accesible e de proximidade.

Dende que esta iniciativa botou a andar no ano 2016, converteuse nun punto de referencia na axenda cultural verinesa, achegando unha alternativa de ocio de calidade e permitindo desfrutar das últimas novidades en carteleira sen saír do municipio. O Salón de Actos da Casa da Cultura conta cunha sala acondicionada, con boa acústica e capacidade suficiente para garantir o confort do público asistente.

As entradas, cun custe de 5 euros, poden mercarse 30 minutos antes do inicio de cada sesión.

A programación pechada para novembro e decembro é a seguinte:

Xoves, 21 de novembro de 2025

• San Simón · 20:30 h

Venres, 22 de novembro de 2025

• Los Tipos Malos 2 · 17:00 h
• San Simón · 19:30 e 22:00 h

Sábado, 23 de novembro de 2025

• Los Tipos Malos 2 · 17:00 h
• San Simón · 19:30 e 22:00 h

Xoves, 28 de novembro de 2025

• La Cena · 20:30 h

Venres, 29 de novembro de 2025

• Los Tipos Malos 2 · 17:00 h
• La Cena · 19:30 e 22:00 h

Sábado, 30 de novembro de 2025

• Los Tipos Malos 2 · 17:00 h
• La Cena · 19:30 e 22:00 h

Venres, 5 de decembro de 2025

• Me Has Robado el Corazón · 20:30 h

Sábado, 6 de decembro de 2025

• Me Has Robado el Corazón · 17:00, 19:30 e 22:00 h

Domingo, 7 de decembro de 2025

• Me Has Robado el Corazón · 17:00, 19:30 e 22:00 h

O Concello de Verín vén de anunciar a apertura dun proceso de contratación laboral temporal co obxectivo de cubrir diferentes prazas vinculadas ao servizo de vías e obras municipais.

A Eurocidade Chaves-Verín, AECT, presentou esta mañá, en Verín, na Casa da Cultura, o Festival Fontes Sonoras. Este festival de carácter transfronteirizo e de acceso gratuíto, que se celebrará os días 14, 15 e 16 de novembro, reunirá narradores, poetas e músicos en diferentes espazos de Verín e Chaves para que o público poida gozar de historias, poemas e sons musicais.

Os días 5, 6 e 7 de decembro, o Concello de Verín organiza na Praza Maior a súa Feira de Nadal. As persoas interesadas en participar na mesma deberán enviar a organización as ideas e propostas do seu produto así como da decoración do seu stand. A temática do mesmo deberá estar sempre relacionada co Nadal.

O Concello de Verín acolleu este venres, 24 de outubro, no Salón de Actos da Casa da Cultura, un acto histórico de recoñecemento a Edson Arantes do Nascimento “Pelé”, o considerado mellor futbolista de todos os tempos. Durante o evento, José “Pepito” Fornos —mánager e home de confianza do astro brasileiro durante máis de cincuenta anos— fixo entrega ao Verín F.C. da camisola oficial da Selección Brasileira asinada e adicada polo propio Pelé, un agasallo cargado de simbolismo que representa a unión entre o “rei do fútbol”, o deporte galego e a vila de Verín.