Concello de Verín

O Obradoiro de Teatro Cómico para a Mocidade presenta Un tsunami (de gargalladas) mañá sábado, ás 20 horas, na Casa da Cultura de Verín. A obra foi creada e será interpretada por mozos/as  de 16 e 17 anos que participaron nun curso de introdución ao clown que impartiu Pedro Brandariz, director da creación colectiva que agora escenifican.

O sábado 11 de outubro, ás 12 horas, na Casa da Cultura de Verín terá lugar a presentación do proxecto “Happy-We are from Verín”, realizado por Iris Justo Rodríguez, coa colaboración do Concello de Verín.

Desde o departamento de Desenvolvemento Local do Concello de Verín infórmase da publicación da orde do 29 de setembro de 2014, Consellería de Cultura, Educación e Ordenación Universitaria, pola que se aproban as bases e se procede á convocatoria de axudas para o inicio de estudos universitarios no curso 2014/15 nas universidades do Sistema universitario de Galicia. Ademais, tamén se informa da publicación da orde do 29 de setembro de 2014, Consellería de Cultura, Educación e Ordenación Universitaria, pola que se aproban as bases e se procede á convocatoria de axudas para a matrícula nun máster universitario oficial, destinadas a titulados/as universitarios/as en situación de desemprego, para o curso 2014/15.

Desde o departamento de Desenvolvemento Local do Concello de Verín infórmase da publicación da orde ESS/1827/2014, do 2 de outubro, pola que se convoca proceso selectivo para ingreso, polo sistema xeral de acceso libre, no Corpo de Xestión da Administración da Seguridade Social, especialidade de Auditoría e Contabilidade. Por outra banda, tamén se informa da publicación da orde ESS/1826/2014, do 29 de setembro, pola que se convoca proceso selectivo para ingreso, polo sistema xeral de acceso libre e polo sistema de promoción interna, no Corpo Superior de Intervención e Contabilidade da Administración da Seguridade Social.

Na xornada de mañá 08 de outubro, de 16.30 a 20.30 horas, terá lugar na Casa da Cultura de Verín o 'Obradoiro de nutrición e actividade física na idade escolar', promovido desde os Servizos Sociais Comunitarios do Concello de Verín e enmarcado na Escola Galega de Saúde para Cidadáns.