Concello de Verín

A Eurocidade da Auga Chaves-Verín foi protagonista da edición do pasado día 24 de agosto do programa “Descúbreme”. Neste programa, que se transmite na TVG todos os domingos ás 22 horas, os/as espectadores poden percorrer Galicia para encontrar tesouros que ata o de agora pasaban desapercibidos para a maioría, que van desde monumentos a pratos típicos da Galicia. Na edición adicada á Eurocidade da Auga, o presentador cruzou a fronteira para presentar Chaves, como se de un territorio galego se tratase, e deu a coñecer as dúas localidades veciñas, que manteñen unha relación tan fluída coma propia auga, constituíndo en conxunto unha cidade europea: a Eurocidade Chaves-Verín.

Axudas para contratar internet vía satélite (Plan de banda larga da Xunta de Galicia). Amplíase o prazo ata o 30 de setembro.

Na xornada de mañá 29 de agosto, o servizo da Ludoteca de Verán - Campamento Urbano do Concello de Verín e Cruz Vermella Monterrei promoven a actividade 'Xogos Romanos', destinada aos/ás menores participantes neste servizo, en concreto, aos que teñen idades comprendidas entre os 5 e 11 anos.

Na xornada do sábado 30 de agosto, o persoal da Biblioteca Pública Municipal de Verín promove unha actividade de convivencia, destinada aos/ás voluntarios/as do servizo da Bibliopiscina.

A intérprete, tradutora e escritora María Reimóndez estará nas redes sociais do Fondo Galego de Cooperación e Solidariedade o vindeiro venres 29 de agosto para falar sobre a filosofía e proxectos de Implicadas no Desenvolvemento, amais de ofrecer unha visión crítica do sistema de cooperación internacional, dende unha perspectiva feminista e colectiva.