Concello de Verín

A sede da Eurocidade Chaves-Verín acolleu esta mañá unha reunión de traballo presidida por Alfonso Rueda, vicepresidente da Xunta de Galicia e presidente do grupo de traballo da Eurocidade Chaves-Verín, José Manuel Baltar, presidente da Deputación de Ourense, Jesús Gamallo, director xeral de Relacións Exteriores e coa EU, Joâo Batista, secretario executivo da Comunidade Intermunicipal del Alto Tâmega, Juan Manuel Jiménez e António Cabeleira, alcaldes de Verín e Chaves, e o secretariado técnico conxunto.

O Entroido para os máis novos comezou en Verín o 17 de xaneiro, o das persoas de máis idade farao o sábado día 22. A Residencia de Anciáns Santa María, coa colaboración do Conservatorio de Verín, da Comisión do Entroido e do Concello de Verín, acollerá a partir das 16 horas un baile de máscaras o Sábado de Corredoiro.

Desde o Concello de Verín infórmase da publicación da resolución do 12 de febreiro de 2014, da Secretaría Xeral da Emigración, pola que se aproban as bases reguladoras para a concesión das axudas extraordinarias a emigrantes galegos retornados e se procede á súa convocatoria para o ano 2014.

Desde Desenvolvemento Local do Concello de Verín infórmase da publicación da orde do 11 de febreiro de 2014, da Consellería de Cultura, Educación e Ordenación Universitaria,  pola que se aproban as bases e se convocan axudas complementarias ás achegadas pola Unión Europea no marco do Programa comunitario de mobilidade Erasmus e Suíza, para estudantes universitarios que participan nesta acción no curso 2013/2014.

A Dirección Xeral de Xuventude e Voluntariado da Consellería de Traballo e Benestar da Xunta de Galicia organiza dentro do marco da Eurocidade Chaves-Verín unhas xornadas de innovación turística e uns obradoiros interactivo-turísticos, financiados polo proxecto EUROCIDADE II  aprobado ao abeiro do Programa de cooperación transfronteiriza Galicia-Norte de Portugal 2007-2013 (POCTEP), na que son socios  a Dirección Xeral de Xuventude e Voluntariado da Xunta de Galicia, o Instituto Português do Desporto e Juventude, o Concello de Verín e a Câmara Municipal de Chaves.