Concello de Verín

Desde Desenvolvemento Local do Concello de Verín infórmase da publicación da resolución do 15 de xaneiro de 2014, da Dirección Xeral de Educación, Formación Profesional e Innovación Educativa, pola que se convocan as probas para a obtención do título de graduado en educación secundaria obrigatoria para maiores de dezaoito anos, nas convocatorias de maio e setembro, e se ditan instrucións para a súa realización.

Desde Desenvolvemento Local do Concello de Verín infórmase da publicación da orde do 27 de xaneiro de 2014, Consellería de Cultura, Educación e Ordenación Universitaria, pola que se convocan probas para a obtención de determinados carnés profesionais e habilitacións profesionais no ano 2014.

Desde Desenvolvemento Local do Concello de Verín infórmase da publicación da resolución do 30 de xaneiro de 2014, da Secretaría Xeral para o Deporte, pola que se convocan os Premios do Deporte Galego do ano 2013.

Un ano máis, e xa van catro, o Club de Lectura da Biblioteca Pública Municipal do Concello de Verín retomou a súa actividade anual de fomento da lectura, co obxecto de converterse nun estímulo para a interacción entre os/as asistentes que acoden a instalación municipal.

A Eurocidade desenvolveu un programa de intercambio, no hotel-balneario de Ferreira de Pantón (Lugo), para profesionais de turismo e termalismo dos municipios de Verín e Chaves. Unha acción enmarcada dentro do  proxecto "Eurorrexión Termal e da Auga" -financiado polo Programa Operativo de Cooperación Transfronteiriza España-Portugal- e que tivo como obxectivo principal contribuír á revalorización da Eurorrexión Galicia-Norte de Portugal como referente europeo do termalismo, ademais de proporcionar coñecementos  xerais sobre termalismo e incentivar á coordinación entre axentes turísticos e  sociais para garantir unha experiencia termal integrada e de alto valor engadido.