Concello de Verín

O titular de Cultura, Educación e Ordenación Universitaria, Xesús Vázquez Abad, inaugurou esta mañá na sede da Eurocidade Chaves-Verín o I Encontro de Bibliotecas Escolares na Eurocidade: Xornada de Intercambio de Experiencias Galicia- Norte de Portugal, organizado pola Consellería a través do Centro de Formación e Recursos (CFR) de Ourense.

O alcalde de Verín, Juan Manuel Jiménez Morán, participa mañá co relatorio “Eurocidade Chaves-Verín, modelo de cooperación transfronteiriza intelixente” na mesa redonda 'Eurocidades e Smart Cities: ¿modelos de futuro? ', enmarcada dentro do ciclo de conferencias 25 anos de municipalismo:pasado, presente e futuro da administración local da Federación Galega de Municipios e Provincias (Fegamp).

Mañá sábado, a sede da Eurocidade Chaves-Verín (antiga aduana de Feces de Abaixo) acollerá o primeiro Encontro de Bibliotecas Escolares. Unha xornada de intercambio de experiencias entre profesionais de Galicia e Norte de Portugal, que ten por obxecto dar a coñecer experiencias de calidade en relación coa dinamización da biblioteca escolar, difundir modelos ou estratexias de interese relacionadas coa alfabetización informacional, fomento da lectura desde a biblioteca escolar e a procura de estratexias para a integración dos recursos da biblioteca escolar nos procesos de ensinanza-aprendizaxe.

Como vén sendo tradición nas tres últimas décadas, a praza da Alameda acollerá o vindeiro mércores día 1 a Festa dos Maios. En horario matinal (10.30 e as 14.30 horas), a zona axardinada da Alameda servirá de escenario ás actividades de xogos populares (chave e petanca), música tradicional, exhibición de maios artísticos e venda de coplas.  

Durante o vindeiro mes de maio a aula Multimedia do Concello de Verín ofertará once novos cursos formativos para os/as usuarios/as interesados en ampliar os seus coñecementos no sector da comunicación e novas tecnoloxías.