Concello de Verín

Na xornada de mañá, de 18 a 21 horas, a Casa da Cultura de Verín acollerá o “Seminario de Motivación Emprendedora”, organizado por BIC Galicia e o departamento de Desenvolvemento Local do Concello de Verín, e cofinanciado polo Fondo Social Europeo.

Desde Desenvolvemento Local do Concello de Verín infórmase da publicación das bases reguladoras para a concesión, en réxime de concorrencia competitiva, das subvencións a axencias de viaxe para a promoción e comercialización do destino Galicia, e se procede á súa convocatoria para o ano 2012, cofinanciadas polo Fondo Europeo de Desenvolvemento Rexional no marco do Programa operativo Feder Galicia 2007-2013.

Este fin de semana tivo lugar a celebración da XXIX Copa Deputación de Fútbol-Sala, na que os equipos alevín e infantil das EDC de Verín acadaron a vitoria na súas respectivas categorías, fronte ao AD Barval alevín e infantil.

Desde Desenvolvemento Local do Concello de Verín infórmase da publicación das bases reguladoras para a concesión, en réxime de concorrencia competitiva, das subvencións a establecementos de turismo rural, establecementos hoteleiros, apartamentos e vivendas turísticas, campamentos de turismo, axencias de viaxes, cafetarías, bares, restaurantes e empresas de servizos turísticos complementarios, nos procesos de certificación, seguimento e renovación das correspondentes normas UNE co obxecto da obtención e/ou o mantemento da marca Q de Calidade Turística do Instituto para a Calidade Turística Española (ICTE), e se procede á súa convocatoria para o ano 2012, cofinanciadas polo Fondo Europeo de Desenvolvemento Rexional no marco do Programa operativo Feder Galicia 2007-2013.

O Gabinete de Apoio Técnico da Eurocidade Chaves-Verín expediu neste primeiro mes de funcionamento máis de 800 Tarxetas do Eurocidadán entre os/as veciños/as das dúas localidades que se acercaron ata as oficinas deste gabinete tanto en Chaves como en Verín.