Concello de Verín

O presidente da Xunta de Galicia, Alberto Núñez Feijóo, e o secretario de Estado da Administração Local e Reforma Administrativa, Paulo Simões Júlio, presidiron na xornada de hoxe a inauguración da sede da Eurocidade Chaves-Verín, situada na antiga aduana española de Feces de Abaixo (Verín).

O próximo domingo, 15 de abril, terá lugar o inicio do 4º Torneo de Fútbol Sala Inter-Freguesias/Pobos Eurocidade Chaves-Verín, que conta coa participación de 30 equipos do Concello de Chaves e 6 da comarca de Verín.

Desde Desenvolvemento Local do Concello de Verín infórmase das bases reguladoras das axudas para a habilitación dunha liña de financiamento específica para os produtores galegos de uva, instrumentadas mediante convenio de colaboración entre o Instituto Galego de Promoción Económica (Igape) e as entidades financeiras adheridas.

Desde Desenvolvemento Local do Concello de Verín infórmase da publicación dos requirimentos de emenda das solicitudes presentadas ao abeiro da Resolución do 2 de setembro de 2011, que estableceu as bases reguladoras e anunciou a convocatoria de subvencións, en réxime de concorrencia competitiva, a proxectos de aforro e eficiencia enerxética para o exercicio 2011 (Diario Oficial de Galicia número 176, do 14 de setembro).

O vindeiro venres 13 de abril, o presidente da Xunta de Galicia, Alberto Núñez Feijóo, e o secretario de  Estado da Administração Local e Reforma Administrativa, Paulo Simões Júlio, e o presidente da Deputación de Ourense, José Manuel Baltar Blanco, inaugurarán a nova sede da Eurocidade Chaves-Verín.