Concello de Verín

A Biblioteca Pública Municipal de Verín amplía ata o 22 de agosto o prazo de exposición de 'Querido Balbino: 1961-2011. Cincuenta anos de Memorias dun neno labrego', un percorrido pola vida e obra de Xosé Neira Vilas, organizada pola Consellería de Cultura e Turismo coa colaboración da Secretaría Xeral de Política Lingüística, a Dirección Xeral de Desenvolvemento Rural e a Deputación de Pontevedra.

Os equipos Ivori-Blanco, Monterrei e Socitransa lograron os tres primeiros postos da terceira edición do Campionato de Fútbol 3 x 3, organizado pola área de Mocidade, Deporte e Festexos do Concello de Verín, coa colaboración de Espina & Delfín.

O equipo Tintores proclamouse vencedor do I Torneo de Pádel de Verán ‘Vila de Verín’, organizado polo Concello de Verín e a Asociación de Empresarios de Verín.

Desde a Oficina de Rehabilitación do Casco Antigo de Verín infórmase da publicación da orde pola que se convoca á participación con actuacións de rehabilitación de edificios e vivendas no ámbito dos Camiños de Santiago (1ª Fase). Programas de áreas de rehabilitación integral do Plan de Vivenda e Rehabilitación 2009-2012.

O martes 16 de agosto, a unidade móbil de inspección técnica desprazarase ata a localidade de Tamaguelos (Verín) para realizar inspeccións técnicas periódicas de vehículos agrícolas (vehículos sen cargas).