Concello de Verín

 Dende a Biblioteca Municipal do Concello de Verín informan que xa están dispoñibles as entradas para as IV Xornadas de Novela Negra “Personaxes de Novela", que se celebrarán os días 3 e 4 de xuño no Auditorio de Verín.

 A Xunta de Galicia e a Confederación Empresarial de Ourense xunto con AEVER organizaron hoxe na Casa da Cultura do Concello de Verín unha xornada informativa destinada para presentar as novas axudas públicas Innova Peme e Deseña Peme da Axencia Galega de Innovación dirixidas ás empresas.

 O  Concello de Verín instalará paneis fotovoltaicos en oito dos seus principais edificios municipais. En total, o ente municipal investirá 118.787,29 euros nas instalacións, esperando percibir dos fondos europeos Next Generation practicamente o 50 por cento do investimento (53.720 euros).

 A Xunta de Galicia e a Confederación Empresarial de Ourense xunto con AEVER comprácense en convidalo á xornada informativa para presentar as novas axudas públicas Innova Peme e Deseña Peme da Axencia Galega de Innovación dirixidas ás empresas, que terá lugar o vindeiro luns 2 de maio ás 12:30 horas no salón de actos da Casa da Cultura do Concello de Verín en formato híbrido (presencial e online).

 O Auditorio de Verín acollerá, durante os días 3 e 4 de xuño, a cuarta  edición das súas xornadas de Novela Negra “Personaxes de Novela”, nas que se combinarán o mundo de ficción das novelas e o real con personaxes verdadeiros que normalmente aparecen nas narracións deste xénero literario.